2021-mi inuusuttut ilinniarnerat suliffeqarnerallu

2021-p naanerani Kalaallit Nunaanni inuusuttut 16-it 25-llu akornanni ukiullit 5.336-t imaluunniit 70 pct.-ii ilinniarfinnut suliffeqarfinnulluunniit atassuteqarput. Taakkunannga 28 pct.-it ilinniakkamik ingerlatsipput, 42 pct.-iilu suliffeqarlutik.

 

2021-mi inuusuttut ilinniakkamik ingerlatsinngitsut suliffeqanngitsulluunniit 30 pct.-inik annertussuseqarput. 2016-imiilli annertussusaat 1 procentpointinik appariarsimavoq. Piffissamilu pineqartumi inuusuttut suliffillit 3 procentpointinik qaffariarsimasut, ilinniakkamik ingerlatsisut 2 procentpointinik appariarsimapput.

 

Saqqummersitap siulianut sanilliullugu allannguutit

2023-mi februaarimi Naatsorsueqqissaartarfiup saqqummersittagaa suliffeqarneq pillugu kisitsisitigut paasissutissat kisitsisit 2016-imiit 2021-moortut iluarsaaneqarlutik saqqummerput. Iluarsaassinerup kinguneranik 2016 aallarnerfigalugu sulisut amerlatsipput. Suliffeqarneq pillugu kisitsisigut paasissutissat iluarsaanneqarnerisa kingunerisaannik saqqummersitami uani inuusuttut sulisut sunnerneqarput. Tamanna pillugu allaaserineqarput saqqummersitap naalernerani periutsip allaaserineqarnerani.

 

Titartagaq 1. Inuusuttut 16-it 25-llu akornanni ukiullit nalunaarsorsimanerat malillugu, 2016-2021

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).

Nalunaarut: Tabelimi inuusuttut Kalaallit Nunaata avataani efterskolertut ilinniakkamillu ingerlatsisut ilanngunneqarput.

 

Inuusuttut sullinniakkat

Saqqummersitami matumani Kalaallit Nunaanni inuusuttut suliffeqarnerat ilinniarnerallu sammineqarpoq. Inuusuttut ilinniakkamik ingerlatsinngitsut imaluunniit suliffeqanngitsut inuusuttunik sullinniakkanik taaneqarput.

 

Inuusuttuni sullinniakkani pineqarput inuusuttut suliffeqanngitsut aammalu suliffissarsiortutut nalunaarsorsimanngitsut. Periaatsimut immikkoortumi nassuiaat malillugu inuusuttut ilinniakkamik ingerlatsisutut nalunaarsorsimasut, Ilinniagaqarnersiuteqartitsivimmili nalunaarsorsimanngitsut, inuusuttunut sullinniakkanut ilanngunneqarput.

 

2021-mi innuttaasut akornanni inuusuttut 7.675-it ataani takutinneqarput. Inuusuttut ilinniakkamik ingerlatsisut saniatigullu suliffillit ilinniakkamik ingerlatsisutuinnaq nalunaarsorneqarput. Ilinniakkamillu ingerlatsisut efterskolernermut, inuusuttunut ilinniarfinnut ingerlariaqqiffiusumillu ilinniarnermut immikkoortiterneqarput.

 

Titartagaq 2. 2021-mi inuusuttunut 16-it 25-llu akornanni ukiulinnut nalunaarsuutit

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).

 

Inuusuttuni sullinniakkani inuusuttuaqqat amerlanerusut

2021-mi ilinniakkamik ingerlatsisut annertussusaat ukioqqortusiartorneq malillugu appariarput. 16-iniit 18-inut ukiullit 42 pct.-ii ilinniartuusut 25-nik ukiullit 17 pct.-ii ilinniartuupput.

 

Suliffillit annertussusaat ukioqqortusiartorneq malillugu qaffalaarsimapput. 16-iniit 18-inut ukiullit akornanni 19 pct.-it suliffeqarput, 25-nilli ukiullit 59 pct.-ii suliffeqarlutik.

 

Inuusuttunilu sullinniakkani pineqartut annertussusaat ukioqqortusiartorneq malillugu aamma appariarput. 2021-p naanerani 16-iniit 18-inut ukiullit akornanni 39 pct.-it suliffeqaratillu ilinniakkamik ingerlatsinngillat, 25-llu ukiullit akornanni 24 pct.-iullutik.

 

Titartagaq 3. 2021-mi inuusuttut 16-it 25-llu akornanni ukiullit, ukiut nalunaarsugaanerlu malillugit

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG3).

 

Inuusuttunut ilinniarfimmi ilinniarsimasut annertussusaat

2021-mi inuusuttut 16-it 25-llu akornanni ukiullit 42 pct.-ii ilinniakkamik ingerlatsipput imaluunniit inuusuttunut ilinniarfimmik naammassinnissimallutik.

 

Titartagaq 4. Inuusuttut 16-it 25-llu akornanni ukiullit inuusuttunut ilinniarfimmik naammassinnissimasut ingerlatsisulluunniit annertussusaat, 2016-2021

Najoqqutaq: Naatsorsueqqissaartarfik – kisitsisaataasivimmi kisitsisit takukkit ( http://bank.stat.gl/UDNUMG3 ).

Nalunaarut: Ilinniakkamik ingerlatsisuni ilinniartut siornatigut inuusuttunut ilinniarfimmik naammassinnissimanngitsut kisimik pineqarput.

 

Inuusuttut sullinniakkat 12-inik ukioqarnermi najugarisaat

Nuna tamakkerlugu agguaqatigiissitsinermut 32 pct.-iusumut naleqqiullugu Qaanaami, Tasiilami Ittoqqortoormiinilu inuusuttut 40 pct.-init annertunerusut inuusuttuni sullinniakkani nalunaarsorsimapput. Upernavik inuusuttut sullinniakkat 2016-imi 43 pct.-iniit 2021-mi 37 pct.-inut annikilleriarsimapput.

 

Tabel 1. Inuusuttut sullinniakkat agguaqatigiissinneri, 12-inik ukioqarnermi najugarisaat malillugit; 2016-2021

 

2016

2017

2018

2019

2020

2021

Nanortalik

37

31

32

34

38

36

Qaqortoq

32

31

24

30

28

31

Narsaq

32

29

30

30

29

30

Paamiut

36

32

34

31

33

31

Nuuk

27

26

25

27

26

25

Maniitsoq

24

27

26

25

28

28

Sisimiut

28

31

30

27

29

27

Kangaatsiaq

33

38

38

31

35

34

Aasiaat

29

26

27

30

30

25

Qasigiannguit

27

25

26

23

24

24

Ilulissat

31

29

29

28

31

33

Qeqertarsuaq

30

19

18

23

27

36

Uummannaq

31

28

25

27

28

31

Upernavik

43

42

37

38

42

37

Qaanaaq

42

48

36

35

45

40

Tasiilaq

42

53

42

46

49

44

Ittoqqortoormiit

46

40

34

24

29

41

Kalaallit Nunaata avataani

31

29

26

31

30

28

Agguaqatigiissillugu

33

32

30

30

32

32

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDNUMG4).

Nalunaarut: Kisitsisit ersarinnerusunik nalunaaqutsersimasut tassaapput nuna tamakkerlugu agguaqatigiissitsinermiit qaffasinnerusut.